'Na poesiuta 'ntel bósch

LA CASSIA

Varda ‘sta cassia
varda che bestia
nó se la inbràtha
da granda che l’é

Oio e missèla
drento la séa
tira la mantia
e acèlera un póc

Cùthete in banda
de la tó cassia
planta la lama
abasso sul thòc

Taja 'na stèla
che la séa dréta
Va par davórie
e taca a seà

Sta gran aténto
co’ la se pléa
mòla dut quant
e s-ciampa lontan

Dhó che l’é dhuda
thentha problemi
Torna unlì dónge
e regola ‘l thòc

E adèss ché fato?
Legne o chè altre?
Forsi l’è miei
scurtà su dut quant

Taja le rame
scùrtele a un metro
e para in banda
la pluma pì 'n là

Taca dhó in ciàf
taca a  thoncià
dal cul  la taja
e riva fin là

Su la forthèla
adess che fato?
Forsi l’é miei
drethàla cussì

Va anciamò avanti
l’é quasi fàta
dóe-tre scurtàde
e po’ l’é finìt...

Varda che lusso
te à ormai finìt
E adéss bél bélo
ti palséte un póc

Su la giachéta
ocio la schéna
col fréit che l’é
sta gran riguardàt...

Sùjete ‘l frónt
plén de sudór
bevi ‘na nica
e vàrdete intór

Che bel lavoro
che ‘l te vin fòra
al’é fadìa
e sodisfathión

Pensa i colèghi
drento a l’ufìcio
a voltà ciarte
e po' porconà...

Altre che ló-ór...
ti te só un siò-òr!
In mièth al bó-ósch
ti e chel  pi-ta-ró-óss...

P.S.: i non budoiesi (e i poeti veri) abbiano compassione di me...

Mauro Thuciàt