Vardón sì da descóre, ma ancia da rivà a ‘na conclusión. Par fà calcòssa, par nó lassà massa rebandonàth i nòstre bósch. Se torna fòra i vèci i ne cópa…

\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
.
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/

venerdì 18 giugno 2010

Cuàla idea o cuàle idee pai nòstre bósch?

 Metón da esse duth d’acòrdo che lé ‘l caso da fa calcossa pai nòstre bósch – se inténth sempre chèi intór via de Budója - par via che cussì come ch’i é nó i né soméa pulìdo.
Unchì al taca ‘l bèl: cualchedùn de nealtre al podaràve dise che ocór tajà i bósch parchè i é “’na fonte de energia rinovabile” (ultimamente al’é de moda ripètelo spéss); cualchedùn altre al podaràve dise che tajànt al bósch se lo mantìn pì nèt e curàt e se pól ciaminà pì pulìdo co’ se va a fónch o a spàresi. De sigùr, al saràve po’ dopo cualchedùn che ‘l diràve che nó l’é ‘l caso da tajà pì i bósch, parchè la natura la se rangia da missòla, thentha bisóin che dhessàn nealtre a petà le mans, che tant col témp se forma da missòl un equilibrio. Forsi, al saràve cualchedùn altre anciamò, magàre co’ la passión de la zoologia, che ‘l diràve che ‘nti nostre bósch a l’é un biss o cualche altra bèstia che bisogna par fòrtha fa de dut par salvàla, se nò la sparìss, e che alòra a l’é da mantìgne ‘l bósch esataménte compàin che ‘l se ciàta adéss.
Par nó dhi massa pa’ le lónge, al saràve almànco thincuanta resóns difarénti par dové fa calcossa pai nostre bósch.
'N te 'na situathión del genere, chi avaràvelo resón?
Nó l’é facile respónde a ‘na domanda del genere.
Podón altre che dise che duth i motivi tiràth in bal, basta ch’i séa sèri, i avaràve da ésse consideràth. In conclusión, ogni motivo al dovaràve ‘vé, pi o manco, la stessa importantha de ch’i altre (cuàn che nó i n’é un che l’esclude chel altre o che se pól ritignìlo tant pi importante de duth chei altre). E alòra, le decisións sul chè fa par mantignì i bosch le dovaràve tìgne cónt de duth i difarénti motivi tiràth in bal.
In chista maniera ca se podaràve tacà a parlà de gestión multifunzionale (che parolàta) dei bosch.
In parlarài anciamò pi avanti.

Nessun commento:

Posta un commento